Shadow ban: 秘密封鎖，或稱影子禁令、限流（即限制流量）、幽靈封號（Ghost ban），是一種審查網絡社區用戶的方法。比如發在網誌或社交媒體的評論對傳送者之外的其他用戶不可見，但是用戶不會看出自己已被封鎖；或是可以公開展示，但被故意壓低瀏覽量，使之無法成為熱門帖文。此方法比較刪帖或封禁而言更加隱蔽。(from Wiki)
係Social media被shadowban左。原本9up一兩句都引到一班三唔識七人黎吹水，或者是旦一句9up好多人like，突然間得最熟嘅幾個account會出現同like，非常覺眼，有d嬲
我唔再玩一個大型social media，其中一個原因就係發現佢會shadowban，好subtle，個post有某d關鍵字就會消失係版面，要有條link先access到，或者本身個PO主你有follow開。但係雖然好多人懷疑佢出賣user嘅個人資料，我覺得應該冇，如果有我依家唔會係度9up
今次shadowban咁啱發生係我好得閒諗野嘅時間。我係覺得，要維持香港人、一個有朋友、有正常社交、有自己諗法嘅人，呢個身份認同，係有需要engage to social media
大家都知，香港人其實好排外，要維持自己身上散發一種主流味道，唔係怪人唔係白卡(姑且用呢個字眼先)，先可以有朋友。同你講話「唔係，你可以做自己，起碼我會同你做朋友」嘅人，自己都冇自信接受一個人型Alien，同佢講打爛交通燈、燒車、looting係有需要，佢都係會當你白卡之後唔睬你。佢覺得你endrose壞人做壞事，你嘅支持令壞人受到法律制裁嘅機會減低。要認知到咩係主流嘅壞人，which會隨時間不停變，先可以有朋友
以上呢段有d誤導，其實絕大部份情況唔會係涉及政治，唔係咁理智嘅對話。現實會出現嘅多數係，比如大家傾緊報邊間私立小學，而你話自己冇報嘅時候，要特登好緊張咁解釋「我個細路好渣，應該SEN黎，唔報啦，報左都肯定唔收佢，費事嘥錢」要係一句入面強調自己小朋友好渣、自己冇錢，所以先唔報，唔係間學校有問題，係我嘅問題。而事實係，我同另一半都覺得，d學校揀最聽講聽教嘅小朋友，以及，最有財力同聽講聽教嘅家長入學校，成件事好垃圾。如果我支持呢件事，我都一樣變得好垃圾。同埋我唔係果d會鬧香港教育制度好垃圾嘅人，佢肯定會有d唔啱用係我細路身上嘅樣，而都會有d啱用嘅，呢d野要靠自己搵，自己諗。但一講出黎又冇朋友
我有一刻諗，只要我維持物理上留係香港，不停周圍去，消費or做其他野，可能就可以得到同一種堅固，結實嘅身份認同。但係social media上面嘅人都做緊呢樣野，仲將現實搬入social media不停施加各種意義，佢地將個身份認同standard推得太高，唔係普通周圍出現下就可以做到
然後我係咪可以唔理佢？明明話人「好香港」聽落似鬧人。但如果要爭取自己係啱，係必須要equipped with呢個身份認同。否則終有一日，俾變成alien嘅新「香港人身份認同」排斥我，話我錯，咁我會更嬲
海洋 同 陸地
陸地好狹窄
大多數嘅人係陸地生活
海洋大d
有d人直接出海一去不返
有d人搵結實嘅錨，綁住自己隻船係近岸，唔係陸地，又唔好離陸地太遠所謂左傾有兩種
一種係陸地優雅咁生活
努力對其他人好
另一種係陸地邊緣
身水身汗爛身爛勢咁
填海11 Dec 2024
我嘅理想係做一個填海嘅人