早兩日同中同傾左幾句，佢話覺得我好叻，細個坐我隔離，見我上堂又唔聽書，功課又唔交，但係考試高分過佢(但係佢做到我做唔到嘅野)。印象中我成績都唔係好果隻，大學都考唔到，同埋我記得自己中學都有聽書的
唔交功課就真嘅。屋企冇書枱，如果我想做功課要趴係床度做。有一期唔交功課到老師狂call我阿媽，阿媽晚晚食完飯就踢我入房做功課，做完先可以出黎一齊睇電視。我記得果期播緊尋秦記（2001年首播)。我做完功課就出黎睇少少，慢慢追唔到d劇情，都唔知睇左d乜，尋秦記都未播完，我就放棄「為左睇電視做功課」，我成績又唔係話好差，阿媽都由得我，d時間唔記得左拎左黎做乜，反正就係好窮，但好自由，一路順風咁唔做功課到畢業(咁講係誇張，我估係做一半唔做一半)，不嬲都冇電視癮、煲劇癮… (read more)