清理舊email，發現以前寫低嘅文字，關於一條巷仔嘅3隻流浪貓。記得啱啱拍拖時男友(依家變左老公)好似介紹秘密機地咁帶我去探佢地。
文中嘅芝麻同叮噹係2015年年尾過身了，同一時期走左嘅仲有我媽養果隻衰雀，為此我仲好sentimental咁寫左篇「神的孩子討厭2016」。一唔覺意又過左3年，巷仔已經冇晒貓了。
「長駐永耀街的流浪貓有三隻，分別是阿May, 愛因斯坦(簡稱B坦)，和芝麻。附近好心的義工姐姐每日來餵牠們，街坊也常備罐頭給牠作零食。除了冇瓦遮頭，生活都還好。
阿May很怕陌生人，一般都藏在雜物堆中，多數是車底。有段時間特別喜歡睡在車胎與車的夾縫間。牠有皮膚病，一抓癢就停不下來。
B坦對人就沒什麼防備，非常喜歡和人玩，還露出肚子給人摸。但是牠很會抓人，我想不少人給牠抓傷過。
芝麻看起來最年輕，也有一切年輕的特質—好奇，百厭，喜歡爬高爬低，大聲喵喵叫，成日不見人。牠喜歡棲息在鐵器鋪雜物房上。如果不見牠，在雜物房前吹吹水，牠認得聲音就出來。從雜物房頂沿鐵絲網跳下來。我總忍不住在下方伸手想接住牠，每次都被牠避過。
我第一次見芝麻，牠和我男友玩貓爪vs手指遊戲。男友不擅長這遊戲，被牠抓傷宣告敗陣。之後是我對芝麻，打了個平手，芝麻回到牠的寶座向我微笑。流浪貓對人微笑是舉足輕重。我常說我和芝麻是一見鍾情。
冬天我們蹲下跟牠玩，牠總要爬到我們懷中睡覺。有時牠爬完垃圾堆身上發出惡臭，我肯定不抱牠，牠就搵男友抱。身上乾淨我們就抱牠一陣。
這條街是很多中小學生必經之路，如果是放學時間要探望三劍客，通常都要排隊。還有女fans時不時來跟牠們拍照。B坦又露出牠的招牌肚皮。街頭街尾還有文具鋪叮噹和主人天天都在打麻雀的麻雀貓，再遠些還有隔離街嘅豹仔貓。這裡簡直是一個貓Playground。
2015年7月」
阿May
愛因斯坦
芝麻