Marriage Story (2019)

Netflix原創電影Marriage Story (2019)
由Scarlett Johansson同Adam River主演

 

好睇到講粗口

好~睇~到~仆~街~

好睇到我唔記得左自己係為Scarlett Johansson而睇。
就因為呢出戲都足夠理由繼續課金俾Netflix。

講述New York嘅兩公婆Charlie同Nicole，作為導演同演員，佢地有共同創造嘅成就，亦有各自嘅成就，有個6歲嘅仔仔Henry。佢地考慮分居後來考慮離婚。
(為免劇透，劇情就講到呢到)

有d人拍拖拍好多年，大半世人都同伴侶一齊生活，但選擇到死都維持unmarried身份。
好似好型、好不羈。
我幻想佢地笑住睇呢出戲，瘋狂恥笑踩左入個trap(marriage)嘅人。

Just kidding. 佢地WFC. 對唔結婚嘅人黎講，婚姻只係一個字眼。

戲入面Nicole覺得自己俾Charlie absorb左；Charlie覺得自己been traped in Nicole。我估好多已婚人士結婚冇耐就出現過類似諗法，雖然好多時d不滿只係一閃而過。
除左果d結左婚就困住係家族當中，得親戚冇朋友，幻想所有外人都係男盜女娼，果種只存在係長輩族群(esp藍屍)嘅中國式傳統婚姻。連不滿都唔敢。

成日有d作品，不管小說定電影，甚至係instagram入面一個caption，將背叛、講大話講成係對婚姻最大嘅攻擊。誇張到有d搞笑。好似我地啱啱升中學就要寫「中學生應否談戀愛」嘅作文，充滿幻想。

就呢出戲黎講，我覺得一個好重要嘅implication係，只有婚姻可以測試到一對couple嘅愛有幾unimaginable。
要經歷過，對對方無條件付出同時保持自我嘅掙扎、為左忠誠而拒絕應得嘅其他人嘅愛、將雙方關係用法律角度去詮釋、容許外人對呢段關係interupt同審視、可能要付上全副身家最終只有無限誤解、明明做家長做得好地地但要俾人指指點點做父親唔合格做母親唔合格、仔女受好大影響同時要受二次傷害which is’細路點諗唔重要’、父母親戚都捲入旋渦、工作？工作不提也罷… 女方仲要再一次接受「屌個社會無論過左幾多年都仍然係父權至上」，仲有更多數不勝數。
要經歷過晒所有呢d煩惱同苦悶，最尾發覺「oh shit!我仲好鍾意佢」plus「原來佢咁愛我」。
至可以有幸見識到全世界幾十億人追求緊嘅野可以有幾美麗。
或者有幾醜陋。

以上嘅野我都明。
之但係，我最羨慕仲係果d簡簡單單，一心一意追求social norm咁結婚生仔，曬恩愛係好膚淺咁、對住仍然單身及玩緊tinder嘅朋友，講老公升職果陣送左咩禮物俾自己，嘅老婆s。
佢地係全宇宙最幸福嘅人。