Young is MK

呢期見Threads年輕男男女女互動，搞到我都想寫下mk故

今日想講女同事C嘅故事

有日放工後，C見office冇乜人，至敢走黎我個位，細細聲同我講「我覺得男同事X話自己有女朋友，係假嘅」

X由我入公司day1就話有女朋友，有時會show下佢女朋友d相。冇人見過佢女朋友真人

C好認真話「佢每次show自己女朋友嘅相都係得單人相，如果真係情侶應該show合照」

我話「係喎」

但我都冇show過自己同男朋友合照… 同事話想睇下男朋友咩樣咪搵張男朋友相俾佢地望下，點會諗咁多

不過C係show合照呢方面係積極嘅，叫佢男朋友接放工仲一定要等埋大家都走得，先一齊落樓俾大家見下佢男朋友

我又話「佢點解要扮拍拖？正常唔係扮單身叫人介紹女仔俾佢識？」

C又講左d勁無厘頭嘅疑點，我已經唔記得左

我話「咁唔通佢真係冇女朋友… 唔通佢係基佬？」

C突然嬲左，話我「你做乜冇啦啦話人基？佢唔似基囉！」

之後我不停觀察X，你知啦我觀察力係X-ray級

估唔到，不停觀察X，我得出嘅結論係，佢同C有互動嘅時候，C會特別嗲特別調皮。而X對個個女仔都差唔多

我估個劇情係：C係覺得X冇拍拖扮拍拖，係因為暗戀C怕俾佢發現。佢希望經我把口講出黎，點知我個結論係X係基

後來C有再提過話X扮拍拖，我又覆佢X似係基。C過左一排再問，我話X可能暗戀你先扮拍拖黎掩飾，C好認真，碌大對眼望住我話「我都覺得係」。之後終於唔再提

後來C唔知點樣識左個隔離公司嘅男仔P(同行)，有時我地lunchtime或者放工甚至放假約出黎食飯(一大班同事)，會唔知點解叫埋佢黎。大家都後生仔女冇所謂啦，又唔知點解傾得埋喎。有次開飯前聽到C係咁哦P，話今日一定要P車佢返屋企因為預咗會食到好夜佢又著得稍為sexy左。我見P咁後生(nearly fresh grad)就有車，八卦下，佢話架車佢阿媽送，又話佢覺得呢行冇未來，拎左10萬去做生意(中國集運)，乜都親力親為，都有少少錢賺下。自從P出現，因為一開始大家同佢唔熟，C一定要坐佢隔離陪佢。之後每一次都係咁。X就冇再坐過係C隔離了

依家C同我都仔都生埋，X仍然從來冇女朋友過。永遠都一大班男男女女朋友一齊hangout。C結左婚之後有次約我一個食飯話，可能X一路係度等佢，所以一路冇拍拖。跟住我問佢拎P嘅contact，因為聽講佢公司人工高d想八卦下，C話唔俾得我，理由我唔記得左係乜。但世界真係好細，原來我同P係現實有mutual friend… 又係另一個故事

之前嘅Ricemate Ro係我地其中一員，但佢似乎唔知X係扮拍拖。Ro好鍾意同P吹水，但佢都冇P嘅contact，所以每次C話「今次食飯P都黎」佢都好開心