認為自毁很迷人的只有中二生

Annihilation (2018) 係一齣我唔敢再睇第二次嘅戲。幾年之後諗起，都係唔敢再睇。戲都咁有力，原著小說更加係諗都冇諗過睇

The story follows a group of explorers who enter “The Shimmer”, a mysterious quarantined zone of mutating plants and animals caused by an alien presence.
from Wiki

女主角Lena嘅老公(軍方)係唯一入左去The Shimmer出得返黎嘅人，佢係入面經歷左1年時間。出返黎表示唔記得晒入面嘅事，而且好似變左個人咁。Lena(生物學家)之後爭取同埋其他唔同範疇嘅專家，組成搜索隊一齊入去調查

The Shimmer越接近核心就越光怪陸離，直接睇畫面係幾反胃，之前搜索隊嘅屍體同埋動物同埋植物，可能一開始你會講唔出反胃嘅位係邊(我一開始就發現左)。劇情去到後面原來The Shimmer係一個clone有機體嘅機器，前面見到嘅光怪陸離光景，係有機體內部器官組織嘅失敗clone(類似解剖書入面會見到嘅圖像，雜亂無章version)

所以The Shimmer係外來物種嘅過渡設施，佢地嘗試clone地球現有物種，再藏身係clone出黎嘅容器入面，扮成原生物種係地球生活

Lena嘅搜索隊當然都係全滅。最後得Lena可以進入中心，被clone。佢明白發生咩事之後已經走唔到，想自殺，但係the cloned Lena不停阻止佢，爭取機會係Lena身邊學習佢嘅舉止。最後Lena終於自殺左，the cloned Lena就離開左The Shimmer，同Lena老公(also the cloned version)一齊。完。

---

戲入面一個重點係不斷portrait Lena同佢老公，兩個都高智能，highly sophisticated，知道人類冇希望，有強烈嘅自我毁滅傾向。佢地係一個原型，類似嘅人大量存在係呢個世界上

呢個外來物種，因為係數量上係極少數，要卑躬屈膝咁假扮人類至生存到，同其他末日戲入面，有絕對力量嘅外來物種比起身只係bb級。不過咁反而仲真實。佢地殺人、消費生命到最後一刻，引起我本能入面對食人族嘅恐懼。睇得好辛苦

最意外嘅，係我唔覺得外來物種可憎。佢地殘忍咁殺人，都冇引起我老是常出現嘅正義感。反而，竟然可以理解到佢地嘅求生意志，所有野都係為左生存而做嘅必要動作。大概同人類食肉差唔多？同Lena嘅厭世好大對比

好大鑊

即係我睇住冇求生意志嘅人去死，其實冇乜感覺，果d咩大愛、關懷他人，係我腦入面只係作為一個概念咁儲存。對自己族群嘅文化即將死去，人人以冇後代為榮，都係冇乜感覺，只有理性層面知道對我唔係一件好事

同幻想中我自己，受中西文化洗禮、擁抱普世價值、經歷過歷史被改寫嘅苦難，充滿使命感，嘅理想形態，落差太大，有d唔想接受現實