上年年尾，網上見到一間獨立書店，「唔找數俾出版社」、「唔出書俾讀者」嘅醜聞。追左少少post，好清楚明瞭全部指控都係事實。我問左一個比較了解香港獨書店scene嘅朋友，點知佢仲講左更多果間書店嘅衰野俾我聽
討論區鬧足十幾版，苦主都有現身。但係成個過程都幾溫和，目前果間書店仲健在。書店界嘅共識係：業界已經好脆弱，唔值得為咁小事內耗。(根本係太少人involved太少人有興趣，新聞都唔報)
我覺得果間書店都有佢嘅能耐，起碼乾淨企理，真係用書呢個element聚集左一班年輕人。負責人都偶爾係社交媒體post下睇完書嘅文字報告(雖然有人踢爆係假嘅)，起碼都擺出一個有心睇書嘅姿態。呢兩樣唔係每間獨立書店都做到
香港多唔多人睇書我冇辦法統計到。比較容易觀察到嘅係我地冇一個討論書本內容(而唔係紙書同電子書分別，which呢期幾間獨立書店都係Threads表緊態)嘅community
但係我又唔覺得閱讀風氣盛行嘅國家會充滿閱讀嘅community(s)。反而幾十年黎見好多外國bloggers睇完書習慣性咁寫篇文擺上網，絕大多數都係zero reply
點解不停見到香港人話香港人唔睇書？
呢個時候出現左Netflix版本嘅《三體》。Chinese sci-fi & Netflix呢個標籤，offer左足夠嘅衝動同輕輕鬆鬆就跨得過嘅門檻。我有睇過原著，幾年前都有係討論區同人傾過下(當時嘅三體係作為一個冷門中國好書嘅symbol)。如果因為Netflix令平時唔睇書嘅人可以睇晒3本書(都幾厚，劉生文筆又唔太吸引)，真係一個好大嘅成就
有d人會認為「小說唔係書」
最近想為個仔揀下書，睇緊兒童文學。我發覺文字係有分「具象文字」(can be visualised)，同「抽象文字」(概念)(個名我9作的)，前者出現係兒童文學嘅頻率係壓倒性咁高，而成年人一般接觸後者多好多。我細個都假假地睇書睇到小四就戴眼鏡，估唔到隔得太耐再睇大量嘅具象文字，個腦好似GPU咁load到過熱。腦入面嘗試具象化靚靚嘅：月光係海面嘅倒影、風、氣味、空間感。或者唔靚嘅：老化嘅皮膚紋路，雀鳥死去嘅聲音，血腥味。用共有嘅文字構建一個完全屬於自己嘅獨一無二嘅世界。呢種睇書帶黎嘅「諗」，有d似做運動，會上癮
如果影視化可以令更多人嘗試睇書，習慣睇書，(增加書可以產生嘅經濟效益so that減少每個讀者需要負擔嘅cost)，我非常樂見AI拍戲技術可以降低門檻，令更多fiction可以有佢嘅影視版本。香港文學黎講我會想睇《停車暫借問》
ps 連標題都9改了唔好意思
ps2 三體有個更加好聽嘅名叫「地球往事」
The first step toward business success is not paying your bill.
It’s find the right target customer